This is a Clilstore unit. You can link all words to dictionaries.

الولد ما بدو يروح ع الروضا

جمانة: يلّا حبيبي. لازم نستعجِل ونوصل الروضا قبل الساعة سبعا. مقداد: ما بدي روح ع الروضا اليوم يا أمي. جمانة: ليش حبيبي ما بدك تروح؟ مقداد: ما بدي. بدي أبقى هون بالبيت. جمانة: لا يا حبيب ماما. لازم تروح ع الروضا. وهونيك تنبسط .. تلعب مع الولاد، وتتعلم تغني، وتحكي مع رفقاتك. مقداد: ما بدي. أنا ما بحبّ ألعب مع الولاد، ولا بدي أغني. جمانة: ليش يا ماما؟ مقداد: هيك ما بدي. جمانة: بس تينا ح تزعل وتقول ليش ما أجا مقداد. مقداد: مين تينا؟ جمانة: شو نسيت من هيّ تينا؟ المربية اللي بتحبك كتير. مقداد: بس أنا ما عندي رفقات ألعب معهن. جمانة: بلى. هلا لما توصل ع الروضا تشوف كيف تصير تلعب معهن. مقداد: بس ما بدي أبقى بالروضا للمسا. جمانة: لاء. رح أجيبك ساعة تنتين، بعد ما تاكلوا مقداد: لاء. بدي أرجع قبل الأكل. بدي آكل بالبيت. جمانة: لا ما بيصير لأني رح أكون بالشغل للساعة تنتين. بس أخلص أجي آخدك. مقداد: ماشي. بس بكرا ما بدي أروح. جمانة: بكرا كمان تروح، بس يوم السبت ما را تروح. مقداد: بعد كم يوم السبت؟ جمانة: بعد أربعة أيام. مقداد: كتير. وشو إسم اليوم؟ جمانة: يوم الإتنين. مقداد: تنين .. أربعة .. تلاتة .. واحد .. سبعا

Gloser نستعجِل skynder os نوصل når frem أظل (أبقى) jeg bliver تنبسط du bliver glad (hygger dig) تغني du synger تحكي du snakker تزعل hun bliver ked af det بس أخلص lige så snart jeg er færdig

Short url:   https://multidict.net/cs/1077