This is a Clilstore unit. You can link all words to dictionaries.

عمو مصطفى رح يروح عل حج

أنا عمكن مصطفى ومرتي إسمها سولاف. عيلتنا كبيري كتير. فيه عندنا عشر ولاد، ستة شباب وأربع صبايا. إبني الكبير، إبراهيم، متجوز، وما شاء الله عندو تلت ولاد. وأزغر شاب عندنا إسمو حسّان، وهوي في آخر سني في الإعدادي. البنات لساتهن بالبيت، بعد ما صارلهن نصيب بالزواج. عم يدرسو. بنتنتا الكبيري، بلقيس، بتدرس فرنسي في جامعة دمشق. إن شاء الله يجوهون ولاد حلال.

أنا وبنت عمي، يعني زوجتي سولاف، راح نروح السنة الجايي عل حج. بدنا نزور بيت الله الحرام، ونستغفر لزنوبنا، وبعدين نروح عل مديني المنوّري، ونزور قبر الرسول عليه الصلاة والسلام.

يا عمي، الدنيي ما بتسوا ولا فرنك، العمر عم يمر، ونحنا صار لازم نحسب حساب الآخري. أنا هلا عمري سبعين سني. لما أطلّع لوَرا، أسأل حالي: شو ساويت بكل هل العمر يا أبو إبراهيم؟

شو رأيكن؟ أنا ساويت شي بهل سبعين سني؟ بعرف شو راح تقولو. راح تقولو "إي العشر ولاد ما فيك تساويهن بعشرة أيام.

Short url:   https://multidict.net/cs/1080